2017年10月2日星期一

裱花蛋糕



幾個月前小王子有日o係學校度撞穿左個頭!
成件事超離奇~到最後真係笑爆咀.........

重記5記得我提過聚寶盆校舍好大,上咩堂就去邊棟樓度上。咁聚寶盆個Music Center就有幾層嘅,地下o個層....erm.....你知la~間間學校都更有d櫃用嚟放下d獎坐呀,相呀咁gar ma。咁聚寶盆都一樣,Music Center地下o個層有好多個用嚟放獎牌嘅吊櫃

有日小王子同個同學仔一齊坐左o係其中一個吊櫃下面嘅地下度,諗住要起身走嘅時候,個同學仔撞左小王子一下,而小王子個頭就咁撞左落個吊櫃嘅角度o勒~

立時小王子個頭就 baba 聲咁流血 ,嚇到個同學仔半死,個同學仔話以為小王子會死,超無常識~

........咁 Music CenterOffice嘅人就更係即刻call校醫上嚟la.........

你地記5記得我提過,因為聚寶盆校舍大,所以好多o係學校工作嘅人都會揸架哥爾夫球車嚟代步嘅。咁校醫姐姐都一樣,一接到 Music Center 個電話,即時就開住架哥爾夫球車風馳電掣咁噓噓聲趕上山頂接小王子o勒~(Music Center o係學校舍最頂嘅位置)

於是乎小王子一路用手禁住個頭流血 o個位,一路坐住校醫姐姐架哥爾夫球車,打算要去山腳嘅 醫療室.........
點知說時遲那時快,阿校醫姐姐心急得濟,竟然加速器當剎車制......踩錯腳,小王子話聽到校醫姐姐大叫-->

   " Shit Shit Shit Shit SHIT-TTTTTT~~~"

然後成架哥夫車直衝落山,由本來咩都無嘅平路~首先撞爛個木圍欄,然後直衝落個樹林仔度。

小王子話當時o係路面正轉堂行嚟行去嘅同學見到咁嘅場面,全部人都 O 左咀!!!佢地應該o係度諗--->

"無o野呀?方圓百里都無車喎,你直衝落山?"


然後。。。。。。。。
成架哥夫車爛哂,校醫姐姐慘叫-->
                         "死na今次,我實要賠na!"

再然後。。。。。。。
小王子落車,連同幾個 O 完咀嘅花生友一齊推返架車上路面。

最後小王子話。。。。。。。
                    "好彩我有攬安全帶啫!!!!"




PS.  唔好睇少呢個蛋糕,要由黃色底嘅Buttercream 調到粉紅色,我真係攪左好鬼耐!!







2017年9月22日星期五

裱花蛋糕



一路都有好多Blog友o係FB度叫我寫返Blog,查實我真係想寫,但係又5知寫咩?我真係好耐無寫Blog na,因為之前出書,出版社對我誅多要求,叫我5好寫咩又5好寫物。本來天馬行空 想寫咩就寫咩嘅Blog,突然間變左次次要比人監察住嘅地方,我都意興闌珊無心機再寫。又整下整下小王子嘅生活又越嚟越間單,淨係做學校野就經已忙到飛起,重邊有咁多有趣野比我寫blog呢?

同你地Update下先,小王子琴日係最後一日返中學,之後就要專心應付下個月嘅大學公開試。琴日我o係FB 度 Post 小王子最後返學相,好多Blog友都話時間過得真快。係呀~由你地日日追住睇小王子趣事同佢個"嘩!Box",到而家小王子中學畢業.......姊妹們!5認老都5得na~

好o勒~返番正題先。
今日講咩呢?今日同你地講小王子班同學中學畢業嘅惡攪事件
呢度有個傳統,就係中學畢業o個年o係學校嘅最後一個禮拜,所有即將畢業嘅學生都會o係學校度惡攪嘅。至於惡攪 d咩就要視乎每年5同嘅畢業生,一届乖d一届曳d,所以年年同5同學校都會有5同嘅惡攪。至於小王子呢届又做咩呢?


聚寶盆個校長白頭佬一早就超緊張,神咁早就用洗腦式咁叫佢地到時千奇5好咁又千奇5好咁,點解?因為有d學校嘅準畢業生會惡攪到氾法gar,今年就有間學校d準畢業生周圍"訂"玻璃樽,最後攪到比警察拉左成百人。咁白頭佬就更係緊張la,話哂會影晌學校嘅聲譽ar ma。不過今年聚寶盆準畢業生都算乖,無大野攪,係攪d細野啫~

咁以小王子一嬲嘅人物性格,曳嘅野佢都5會點做gar na,所以大部份惡攪野都無小王子份嘅。小王子只係做左一件啫,係咩?我最後先講下~

而其他今年嘅聚寶盆準畢業生又攪左咩呢?
就咁嘅每間學校每個禮拜都有一個Assembly,erm......類似周會咁嘅野la~咁有好多5同嘅Assembly嘅,而田徑Assembly就係露天舉行。聚寶盆有個傳統,就係每年最後一個田徑Assembly, 當校長講緊野嘅時候,就會有幾個準畢業生o係學長後面個草地度一路跑、一路大叫兼一路除衫嘅。(姊妹們!諗起小鮮肉,內心係米無比咁興奮呢?)年年老師都叫5好咁做,但係又年年都會有人做。咁今年就更係有人做la~hahaha....之後呢幾個小鮮肉米比老師罰幾日5準佢返學law!

惡攪事件一: 
5記得我同你地講過聚寶盆好大,個校宿好似大學咁,音樂一棟樓、Maths 一棟樓、語言科又一棟.......總之上堂就行嚟行去,所有人都固定嘅班房嘅,你上咩堂米去咩棟樓上law! 咁佢地做咩呢?佢地竟然用保鮮紙包住左成棟Music Center嘅樓下!!!!! 嘩~呢單野幾咁5環保至得gar?之後點?之後米比d清潔工人狂丙law!

惡攪事件二:
聚寶盆個圖書館好大gar,又係成棟樓都係圖書館。咁你都知la~圖書館用嚟做咩呢?溫書ar ma,好靜嘅~上個禮拜尾有日有成百個準畢業生突然間走左入圖書館度開大音樂o係度跳舞。講緊成百個人喎~個場面係超攪笑嘅。之後點?比Mr Bean 狂鬧law!

ok~ o個d 渣糖漿落樓梯枎手同將左幾百個面包鋪滿個高中部校長個office度,攪到佢行都行5到入去同打算用d乾冰..............我就5多講o勒~我要講下o係呢個咁動盪嘅日子裡面,小王子又攪左d咩呢?

重記5記得我之前話o個個~個個禮拜都會有嘅週會呀?小王子由中一開始,每個禮拜都係o係會度付責彈澳洲國歌嘅,喂其實有單野關於小王子o係會彈國歌係超攪笑gar,我下次至再講下~

返正題,澳洲國歌個琴譜係超間單,彈到出嚟又係超悶嘅.....erm.....你地想像下幼稚園唱遊咁上下la,咁小王子就o係佢最後一個要彈琴嘅會上面,彈左一個自己重新篇過嘅國歌版本,一彈前奏~所有人都超興奮,因為平時彈國歌要好莊嚴~無人知道小王子會突然間彈個輕快版,所以個個大拍手掌。高中部校長之後重請小王子下個禮拜再彈多次呢個輕快版嘅國歌。
呢個就係一個書蟲想曳想做Something Difference,但係又5敢大攪,靜靜坐o係原位起革命嘅最好例子o勒~



近來我有個新興趣,就係攪韓式裱花,無師自通嘅~如果你想睇多d小王子媽媽嘅裱花蛋糕相,可以去我FB 個Fans page度下-->
      https://www.facebook.com/小王子廚房-184202804994/










2016年5月2日星期一

Aiden & 爺爺's Birthday cake



雖然我同小王子爸爸都係o係澳洲度讀高中,但係5知係米時代5同,而家呢度學校d 校規有d真係令人匪而所思gar 喎!!!

點解我咁講?
因為有時小王子同我講"聚寶盤"嘅校規,有d真係令人ar爆頭都5明白gar,例如.........

光陰似箭,小王子今年讀中五o勒~o係澳洲中五讀嘅科係自己揀嘅,好似HK文科 理科 咁law!

之但係"聚寶盤"可以揀嘅科真係多到你信,設計都要分係咩設計,中學經已有布料設計比你分開嚟讀;咁文理科更加係多科揀到嚇死人la ,咩專讀石嘅、專讀環保嘅、專讀有關地球嘅...........連法律學、農務業.......中古歷史歷......連英文同音樂科都分三、四科5同嚟讀。

5似我地舊時o係HK咁,5係文就理,5理咩就商law!o係"聚寶盤"度讀書真係更有一科 o岩你嘅o係左近。

讀到中五,你可以揀讀12、13、14個units嚟讀,則係話有人讀多d科有人就讀少d,咁又則係話有d人一日上多d堂,有d人一日又會有幾堂空堂o勒~

空堂有咩攪呢?揀12個unit嚟讀嘅人兩堂連空堂嘅時候,學校規定一個禮拜去打保齡球,一個禮拜就要去打哥爾。總之5準你坐o係度咩都5做。

咁讀13同14個unit嘅同學仔又點呢?(即係小王子)
所有空堂都係自修堂,學生有權o係學校任可一個地方度做功課同溫書。而其他人(包括老師)都5可以趕佢地走。

咁即係點?
即係---

o係聚寶盤讀書係無固定班房嘅,好似讀大學咁人人有個Locker,要上咩堂就去邊度上,music一棟building,數學一棟,科學一棟英文又一棟咁.........總之咩科自己都有一棟building,d學生一日到黑都要o係學校度行來行去咁去上堂law!

所以學校有N咁多班房,你有空堂隨便攞去洗。之但係你一坐左落去,無論之後有咩級咩班同咩人要入嚟上堂都5可以要你離開。

咁即係話你上上下堂,可以有個5識5同級嘅二打六坐左o係度做自己野,係完全5關你班事嘅~

又或者~
你上上下堂,無nana有位 5識嘅人兄5 出聲咁行入嚟坐低做自己野,你都5可以過問佢一句。

嘩!呢個校規真係聞所未聞兼超級5合理law!
我問小王子佢有無咁,佢竟然話--"有!"

D鬼佬野果然5係我呢d地球人會明白gar !















2016年3月4日星期五

RoseMarie Birthday Cake




小王子o個班每年都兩個人一組,互相送生日蛋糕,大家輪流咁帶,所以小王子佢地個個禮拜都有生日蛋糕食gar。上個禮拜到小王子帶蛋糕o勒~之但係佢地o個班有個同學仔對Gluten敏感,所以所有人帶嘅蛋糕都係要Gluten free嘅。我聽到呢個消息當然係即時大叫......

2016年2月19日星期五

飛利鋪做面機



上個禮拜情人節,你地有咩攪先?有無去睇LED花燈先?有無偷偷地攞左一朶半朶返屋企留念先?

其實無論係情人節又好,結婚周年紀念又好,我5一定有禮物收gar ,又5一定有得出街食飯gar wor!不過就一定5洗我煮飯嘅~ 
點樣可以留o係屋企食飯又5洗我煮?
得~~~~
打邊爐同食韓燒米得law!
5洗煮gar,齋洗之ma!!!

總之無論咩節咩日都好,Face Book硬係一早就洗哂版咁比人post哂d 咩禮咩物呀咁嘅~咁我5係年年都有得post gar ma。但係今年有喎~
今年情人節一起身,小王子就送左張情人卡 比我,
嘩~~~~~冧到我呢~~~~~~
小王子爸爸重買左部做麵機 返嚟tim bor !真係滿足到呢~~~~~~

於是我今年有野post上Face Book o勒~
點知今年大家玩節儉 ,個個都post o係屋企整乜整物食,攪到我好似即時變左個大花筒咁。我真係忍5住大叫----->
                      姊妹們你地係米玩野呀?



就係咁~呢部飛利鋪做麵機就搬左嚟我屋企度長住o勒!
可能你地會問.......
點解小王子爸爸咁醒,會識買呢部機返嚟呢? 會5會係因為佢跟得無比聰明嘅小王子媽媽--即本人多,所以對家電都有番咁上下認識呢?
非也~非也~
查實係我一早就o急實呢部機兼做哂reseach呀咁,所以呢部機係遲早都會買gar o勒,只不過咁o岩撞正情人節啫。所以呢單野同小王子爸爸有幾愛我係完全無關gar law!hahahaha.......

好!正題~
o拿~呢部機我用左幾次o勒。佢宣傳係話15分鐘做出麵來嘅,我知道大陸都有架出左話自己10分鐘做麵嘅。
o拿就咁~又5係趕住去邊,o個5分鐘慳嚟把鬼咩?所以精明嘅主婦們,5 該應慳得慳,米鬼慳埋d婆仔數law!

雖然佢話自己要15分鐘做麵,其實大多時候510分鐘經已全部攪掂落得鑊tim!咁點解佢又會話要15分鐘呢?米就係人地老實law!!!最耐嘅話可能要15分鐘,所以人地米話要15分鐘law。

外國公司會話你聽最差嘅情況會點。
國產公司會同你講最好嘅情況下可以點。
最閉"最好"嘅情況實在係太太太少law!
國產公司keep住咁報喜不報憂,所以我地先會覺得國產野5好。

呢個亦係我5信同5揀國貨嘅原因。

部機做麵真係超快,快到由整到落水煲o個刻真係同o係雪櫃攞包麵出嚟煮差5多。
點解我咁講?

用市售麵
因為平時烚麵一定要用超大煲水,水多煲起嚟自然耐。好o勒~到水滾落麵,因為市售嘅關係d麵一係就係乾麵,一係就係雪藏麵,於是要令d麵煮熟閒閒地要10分鐘。

用機做麵又點呢?
用做麵機做麵主要都係用麵粉同水,就咁放哂入部機度,然後開機。大多時真係10分鐘倒就完全攪掂哂可以煮,又因為係新鮮麵嘅關係,5洗用咁大煲水煮又煮嘅時間大約5分鐘倒就可以過冷河。
最後淨係要洗機啫,之但係大部份麵都5洗落油搓gar ma,油都無滴你話有幾難洗先得gar?


咁用機做麵有咩好呢?
其實每個禮拜去買餸,小王子爸爸都一定會放兩三包麵落車度,跟住返到屋企呢兩三包麵就會佔據左我雪櫃半格嘅位置。問題係我雪櫃真係"常滿"gar ma,點afford呢個位長期放麵至得gar?我都未講我廚櫃裡面o個十幾廿包白麵、意粉、soba、通粉、陽春麵........等等等等...........
所以而家要食先做真係同我慳返好多好多位law!

OK!我地而家研究下用機做出嚟嘅麵好5好食得過街買o個d下~
部機其實有送食譜嘅,我試過跟住做真係OK gar ,D意大利粉真係彈牙gar!不過可能有D食譜嘅材料或者會對住o係HK嘅Blog友會有DD困難去搵o勒。

不過講到尾始終都係日式嘅麵比較接近我地中國人嘅口味,所以我後來用返日式麵嘅食譜嚟做麵。口感and 手感超好,真係好過好多市售嘅麵gar。
o拿~我話好過好多啫,無話好過哂全部街賣嘅麵呀下,所以如果你真係搵到一隻麵好過用機整出嚟嘅話-------5好鬧我!

溫馨提示: 
5同牌子嘅麵粉吸水力會有5同,所以水嘅用量大多要比食譜上寫嘅多小小。(大約1-3湯匙)

打好嘅麵粉糰5係會有小小鬆散嘅,如果你見到o係機入面舊粉糰結成一糰(好似麵包粉糰咁),那表示你已加太多的水了。


                      

    


                            
                                         日式烏冬



                                            意大利粉