2010年10月18日星期一

蝙蝠兩面黃盒


我係o係屋村度長大嘅,同小王子爸爸長大嘅環境好5同。所以小王子爸爸見過嘅o野同食過嘅o野,對於我嚟講都係好新奇嘅。
我奶奶好鍾意睇書,所以小王子爸爸屋企有好多好多書。可能因為咁,所以連小王子爸爸好鍾意睇書,講出嚟真係笑死你地,小王子爸爸屋企,竟然有本"武功秘及"﹣﹣尊教你點樣練"鐵沙掌"同"毒沙掌",呢類獨門絕技嘅!
o個本書我都有"立"過下眼,真係勁攪笑呀!hahahahaha..........


其中一種我奶奶好鍾意睇嘅書﹣﹣就係食經!所以小王子爸爸自細就睇好多食經,小王子爸爸識好多好多出名嘅名菜。雖然小王子爸爸從未煮過,但係佢可以講得出邊度邊度出名d咩菜式,同埋大約係點煮嘅~5識小王子爸爸嘅人,聽到佢咁講,真係以為佢係個大廚嚟ga!
我就o岩o岩相反!我從來都無睇過食經,又揀飲擇食。所以有好多o野我係未食過,亦都從來未聽過。其實我好似我阿爸﹣﹣因為佢都係揀飲擇食嘅!但係我阿爸嚴重過我好多~因為佢5食嘅o野,係5準我阿媽煮嘅,出去食飯亦都5準叫。呢個就係點解我o係HK住o個17年裡面,從來都無食過﹣﹣西芹、茄子、苦瓜..........重有好多好多o野o勒!所以好多時候,我都會問小王子爸爸﹣﹣              
"o個d究竟係咩嚟ga?"

更加多時候,小王子爸爸會同我講,呢d呢d係咩嚟,邊度邊度出名咩,大約係咁咁咁整.........跟住我就諗埋下面o個半﹣﹣如果實際整又要點整呢?然後就試下整嚟食!hahaha......咁當然5係次次都成功la~

好似今日我整嘅呢個"兩面黃"!好耐之前我o係電視見人介紹過,嘩~我見脆卜卜咁,一定係好好味嘅,但係我從來都未聽見過"兩面黃"呢樣o野。於是我去問小王子爸爸,佢一聽就話﹣﹣
         
"呢個米係"兩面黃"law!我細個成日食ga~因為阿媽好鍾意食,所以我細個o個陣,去親XXXo個度都一定會叫嚟食ga!"

我一路都想試整呢個"兩面黃"好耐,因為我對脆卜卜嘅o野,一嬲都係情有觸鍾嘅~不過我淨係想啫,一路都無行動喎!直至前個禮拜,小王子爸爸尊登買多一包生麵嚟比我整,所以我就有機會整呢個﹣﹣"兩面黃"o勒!
老實講﹣﹣我睇死小王子5會鍾意食ga!所以一早就諗定要煮多樣o野比小王子食,點知小王子一食就話﹣﹣                      
"好好食呀~媽媽!"
重叫我用嚟整"嘩box",比佢帶返學校度食。其實我應成小王子上個禮拜整嘅~but又老人痴呆5記得左喎!琴日又突然記得返,所以米今日用嚟整"嘩box" law。小王子爸爸話"兩面黃"可以點沙糖or老抽食,我鍾意點沙糖呀,
but小王子話佢鍾意點老抽喎!咁小王子咁鬼"論盡",我點敢比d老抽過佢帶返學呀?所以我都係放左d沙糖落去個"嘩box"度。
無錯!今日個"嘩box"係甜嘅~所以我裝飾左好多甜餅放落去小王子今日個"嘩box"度