小熊豬豬盒

你地信5信天下間，竟然有人5知自己屋但地址同電話？小王子o岩o岩過左11歲o勒～但係小王子係從來都5知自己屋企電話号碼嘅，地址呢～就舊年o岩o岩知，重要係我笑佢，佢至即刻記嘅。一個人連自己屋企電話号碼都5知，咁我同小王子爸爸個電話号碼就更加5洗講la﹣﹣
係一定5會知ga law！

不過雖然小王子5知自己屋企嘅電話号碼，但係有一個人嘅電話号碼小王子係好清楚嘅﹣﹣就係婆婆o勒～不過小王子係知由澳洲打去婆婆屋企o個個号碼﹣﹣即0011 852XXXXXXXX

即係話，小王子o係HK係5識點打比婆婆嘅～佢要返到澳洲至打到比婆婆ga law！
我同小王子講﹣﹣"你咁樣5掂bor！如果有咩事，你打去比婆婆，然後婆婆再打IDD幚你報警.....可能太～遲喎！"

次次小王子聽見我咁講，就更係ka ka ka咁笑，永遠都5會諗﹣﹣
"咿？係喎！咁我都要記下自己屋企個電話号碼至得bor～"

有次我又笑小王子淨係識打IDD比婆婆，咩電話号碼都5知，小王子竟然話佢知E媽個手提電話号碼喎！
我心諗﹣﹣
"吓？無奶由小王子會知ga喎～"

我﹣﹣"你知E媽個mobile phone no？"

小王子﹣﹣"係呀～"（講o個時重要勁理直氣壯喎！）
我﹣﹣"無理由ga喎～咁E媽幾号電話呀？"
小王子﹣﹣"E媽個電話一舊一舊law！"
我﹣﹣"吓？一舊一舊？"
小王子﹣﹣"係呀！媽媽成日講E媽個電話一舊一舊嘅.........！"
我諗左一陣....點解E媽個電話會一舊一舊ga呢？

終於.......

我﹣﹣"o我～"

我﹣﹣"咩一舊一舊呀～係9191呀！一舊一舊～"

小王子﹣﹣"係呀！係9191呀～"
其實E媽個電話裡面有9191，小王子5記得，淨係知E媽個電話係一舊一舊！

小小動物三文治盒

重記5記得之前我提過，小王子攞左今年Sydney Conservatorium Music（雪梨音樂學院）嘅獎學金？咁佢地每年都會出一本新嘅書，用嚟介紹佢地嘅～而家就要開始準備出年o個本ga o勒，佢地呢兩年請左個美國嘅攝影師嚟幚佢地影書裡面d相，我見過今年o個本～
影得好靚ga！

今年小王子有份影出年o個本，o岩o岩過左o個個星期六就係嚟同小王子影o勒～小王子一嬲都好鬼怕醜，但係又死5認ga bor～咁無nana有個人嚟同佢影相，佢初初連鏡頭都5敢望呀！hahahaha......不過影左一陣又ok bor～個美國攝影師哥哥同小王子影完之後，望住自己部相機個Mon～一路搖頭一路話.......

攝影師哥哥﹣﹣"Such a beautiful young man！"
我﹣﹣"What can I say？He got my genes！"
hahahahaha.......

我偷偷地o係佢地影緊相o個時影左幾張相！

初初影～好怕醜！
 
影影下～成個醒哂！

小熊漢堡牛肉盒

琴日講到上個week小王子去左另一間學校度考成績試，o個日12:00pm考完試，小王子就要去Chamber music同上Cello lesson，根本無時間   ，莫講話食晏！咁我就更係o係School Tour 之後，即刻裙拉褲甩咁去買o野比小王子食la～不過......我同小王子爸爸就無得食na！小王子可以o係車度食o野，我同小王子爸爸又要搾車，又要陪小王子上堂。最後我同小王子爸爸要到晚飯時間至可以食我地嘅晏就。
其實我地咁樣車小王子去Sydney度學琴，都已經成兩年幾na～5好睇小搾o個6個鐘頭車，其實真係好 好 好辛苦！如果你地有追開小王子天地，應該知道我有病，係5搾得耐車，如果5係會搾搾下車瞓著覺ga！所以大部份時間都係小王子爸爸搾車嘅。小王子爸爸本身條腰骨就5好ga na～因為要搾咁耐車，攪到小王子爸爸條腰骨越嚟越嚴重。好多時小王子爸爸都痛到起5到身ga！but 5起身返工又無錢供小王子喎～
其實都幾無奈！！！

如果再5搬去Sydney，我都5知小王子爸爸重頂得咁樣車嚟車去幾耐？

上個禮拜小王子爸爸同小王子食物仲毒o個單o野，你地都知ga la～就係o個日o係Sydney度食錯o野，返嚟o個晚，小王子爸爸成晚肚痾，又發冷，攪左成晚。到星期一都無返到工！而小王子就隔左兩日至起，but小王子重慘又痾又嘔兼發埋燒，無返學兩日呀！而就係因為小王子爸爸星期日o個日痾到起5到身返教會～於是我同小王子就同身蟻o勒......

本來我地一路都係去中文教會嘅，但係因為想小王子開始學聽道，所以由舊年開始我地轉左去第間英文堂教會度聚會。就係小王子爸爸起5到身o個個星期日，佢地嘅中文堂無司琴，所以請小王子爸爸幚佢地做一日司琴。點知.........小王子爸爸病左，返5到去教會。咁我唯有帶小王子返去教會頂小王子爸爸彈琴，如果你有返開Church嘅～應該都知道係無咁細個做司琴，回應詩歌重要係去到至知係咩，想練都無得練。加上小王子d中文未好到可以睇得哂佢地唱o個d歌詞，你都知la～就算一早講左要唱幾多次，到真o個陣～領詩o個d人就更係會5跟將法ga law！佢地咁唱法，小王子d中文又5夠好～攪5掂ga！所以我要坐o個小王子隔離，一路聽住佢地唱到邊度，然後指比小王子睇。
如果你有返開教會～都應該知道，教會係一個好奇怪嘅地方，就係.....

5叻唱歌o個個一定係負責領詩嘅～
5識煮飯o個個呢？就一定係負責o係教會度煮o野，
而講o野gear gear吉吉o個個呢～偏偏就係做主席ga喎！

至少我返開o個d係咁，所以o個日o個兩個領詩唱得走音係一d都5出奇嘅～
5走至出奇好5好？
 不過兩個人唱到4步咁～我都好少見。o個日佢地兩個簡直係打亂將，又快又慢，唱下呢度又唱下o個度，好彩我機警同小王子醒目，至可以全身而退咋！真係抺一把冷汗～

U.F.O飯糰盒

呢個禮拜尾，我就會同小王子去Adelaide參加佢地嘅Cello Festival，因為小王子被邀請去呢個Cello Festival度演奏，順個便去join佢地嘅Master Class.我第一次自己同小王子去到咁遠～～其實好鬼死驚，你地都知la～我係稙物人嚟ga ma，一嬲都無用開個腦，家下要自己帶個仔去到咁遠，真係好鬼驚ga！上次我同小王子返HK，就係因為我傻下～傻下～差d上5到機呀！不過呢單o野就5好提na，真係瘀到極點呀！
又要攪學校，又要準備5月去阿根庭度表演，所以呢幾個月，我真係忙到甩轆！

上個星期六，小王子去左第二間o係Sydney嘅地校度考音樂獎學金試，上次都講過，好多學校就算你係考音樂獎學金，一樣都要考成績試。o個個朝早8:15am就要去到學校，個試要考到晏就12:00pm唉～我都登小王子慘！小王子考緊試嘅時候，我同小王子爸爸就join左個School Tour，行個校園一周，兼聽個校長發up風。
o個日大雨到呢～加上我為左將o個日推上高潮............
  我又著左高跟鞋！！！

最慘呢間學校無o野好，一味就夠大，個校園大到呢～落狗C加高潮高跟鞋.....到走o個陣我有一種好強烈嘅感覺﹣﹣
就係我隻腳指尾已經5再屬於我嘅！

o個個學校代表一味o係度喝d家長，喂！同樣嘅說話可以用5同語氣講ga喎～佢竟然同幾百個家長講﹣﹣

"我地呢度5係Child care，5該你地12:15pm準時嚟接返你地d仔女！"

"家長5該即刻離開！你地而家o係度左住我地～"

"你地（家長）左住緊個門口！"

有無攪錯呀？我地家下係嚟考獎學金，5係嚟乞喎～佢究竟係米攪錯左呀？o個日有成百幾二百人去考，成績5好嘅都5會去考la～考到重5係比全費喎，半費咋！！！你係米肯定要用d咁嘅語氣同我地講o野呀？學校代表都5識得尊重人，我點指意佢會教到我個仔去尊重其他人呀？

小王子考完出嚟同我講﹣﹣"媽媽！我覺得呢間學校d老師好惡呀！"

原來幚小王子監考o個幾個teacher都惡到爆，5怪之得小王子話5鍾意間學校la！今個星期六小王子又會再去Audition，以前我一直都以為﹣﹣只要小王子叻就一定可以攞到獎學金，但係好多o係Sydney度嘅Music teacher同家長同我地講﹣﹣要攞音樂獎學金 最 最 最緊要嘅～

係你考嘅學校o個年係想要你o個樣樂器。

我而家先知道，原來每間學校年都會內定一樣佢地o個年想要嘅樂器，則係話～例如o個年學校個樂團差一個小提琴手呢？咁o個年佢地嘅音樂獎學金就會內定要收一個小提琴手，除非o個年嚟考獎學金嘅人裡面，係無一個小提琴手 or 嚟考o個d小提琴手真係太～差，如果5係學校就一定會將o個年嘅音樂獎學金比拉小提琴嘅。咁則係話就算你叻到蹺飛都無用，到最後......原來係靠Luck！
唉～偏偏我小王子係出左名嘅"黑仔達"！！！而家.....我就真係好擔心na！

咸牛肉栗米飯糰盒

小王子爸爸同小王子食物仲毒呀！
我無！

佢地兩個仲毒，得你一個無事，咁......

咁重5係你落毒？

無錯！因為我一早食左解藥，所以無事！嘩哈～嘩哈～嘩哈～嘩哈～

好奇怪喎～次次同小王子一齊食錯o野、一齊奶o野，就更係我同小王子爸爸發先～然後先至到小王子ga喎！好似上次我同小王子o係澳門度食錯o野，都係我o個晚即時奶左o野先，兩日後至到小王子奶ga喎！
o岩o岩過左o個個星期六，我同小王子爸爸、小王子一齊o係Sydney度一間鋪頭度食o野，o個日我自己叫左碗粥食，而小王子爸爸就叫左個二人套餐同小王子一齊食。我諗就係呢份"奪命二人套餐"出事law！
小王子爸爸o個晚已經痾到成個軟哂兼發冷，第朝星期日直頭起5到身tim！

（而小王子爸爸因為o個朝起5到身，攪到我同小王子周身蟻呢單o野，我留返下個星期講下～）

咁o個日小王子都無事ga，小王子係o係星期一晚突然間又痾又嘔～成塊面都青哂，第日重有d發燒tim！嘩～佢兩隻o野呢均真係攪到我虛脫咁濟，重即刻輕左成2kg tim bor！（咿？咁會5會其實係因禍得福呢？）
最慘係個個病都係食粥ga la～偏偏小王子爸爸同小王子都勁5鍾意食粥ga喎！呀～5係！係小王子話自己5鍾意食粥啫～小王子爸爸係死口5認嘅～

一講親食粥，佢地就會話....
小王子﹣﹣"我5食粥ga！"＜﹣﹣真男人呀！
小王子爸爸﹣﹣"我都無話5食粥！"＜﹣﹣假到死！

但係次次小王子爸爸病，我一話煲粥比佢食，小王子爸爸就一定話....
  "er........5好na～不如煮碗粉la！"

我本來買左條小王子鍾意食嘅魚整比小王子食ga ma～咁家下小王子攪成咁，我米諗住將條魚嚟煲粥比佢食law！點知小王子一見到碗粥......
其實我諗～小王子今次病，最辛苦5係痾、亦都5係嘔，小王子覺得最辛苦嘅﹣﹣係我要佢食左o個碗粥！真係比佢吹到脹呀！！！！！本來好地地gar，點知佢一見到碗粥就話肚痛，碗粥好似行刑咁嚟食，重話....

小王子﹣﹣"媽媽！我5食粥呀～"
我﹣﹣"我無問你食5食，我係叫你食！"

小王子.....................
小王子﹣﹣"媽媽！我肚痛呀～"
我﹣﹣"咁食埋碗粥佢la，食完就5會痛ga o勒～"

小王子.....................
小王子﹣﹣"媽媽！我想嘔呀～"
我﹣﹣"好呀！咁你嘔比我睇ar！"

小王子﹣﹣"嘔～～～"

頂！佢真係即刻嘔比我睇，重嘔返哂落碗粥度喎！家下食粥啫～5係食毒藥喎，真係比佢吹到我脹呀～
 "你好o野！你驘！5洗食o勒～"

因為小王子o岩o岩至好返，所以我今日淨係整左一個飯糰比佢返學咋！

琴晚小王子學校有Concert，小王子拉Cello，今日post埋個video你睇下～

衝上月球盒

其實.......美女視訊.....究竟關我咩事呢？
會5會係佢地5知我都已經係個美少女呢？

一或係佢地5認同我係一個美少女，所以day day 留言要我去睇美女視訊呢？
5會係5認同我哇？咁我洗5洗扔小小錢，賣少少廣告，同佢地講﹣﹣其實我都係美少女，所以5洗睇咩美女視訊呢？

一話係用小小錢，搵人打鑊留美女視訊言d人呢？

o拿！米再留美女視訊言la吓～我對美女視訊係完全無興趣ga law！

最近我o係度諗......其實小王子學校應該改名，應該叫"醫生總工會堪培拉支部子弟小學"。5係嘅話～有咩理由會有咁多醫生仔o係度讀至得ga？
重記5記得我地嘅口呺？無錯！就係呢個醫生多dumb kid

o拿！我淨係話我地呢度o個d醫生嘅Kid dump啫～所以如果你係醫生 or 你嘅另一半係醫生嘅話～

一係就立即離開本Blog！

一係就由頭將"小王子天地"睇一次，

睇完你就會明白我點解會咁講ga o勒～

上個禮拜有晚食飯o個陣，小王子同我講......
小王子﹣﹣"媽媽！我學校有個小朋友好攪笑ga～"

我﹣﹣"係？點攪笑呀？"
小王子﹣﹣"地獄判官（化名）5比人地攪or touch佢d o野ga！如果你一掂到佢d o野，佢就會講﹣﹣

‘Hey！Don't touch my things,I'll sue you!’

‘Hey！Don't move my things,I'll sue you!’"
我﹣﹣"吓？"
小王子爸爸﹣﹣"唉～呢d o野更係學爸爸媽媽ga la！更定佢阿爸阿媽o係屋企係咁講ga law！"
我﹣﹣"係？咁肯定佢個爸爸係律師嚟ga o勒～"
小王子﹣﹣"5係喎！地獄判官個爸爸係男生嚟ga喎！"
我﹣﹣"嘩！果然係醫生多dump kid呀～"

之後有一日，我同小王子講﹣﹣"如果你咩咩咩呢～I'll sue you！"

小王子﹣﹣"hahahahaha........媽媽！無d咁嘅o野ga～點I'll ’sue' you呀？"

我﹣﹣"咩無呀？地獄判官夠咁講lor！"
 小王子猛話"點I'll ’sue' you呀？".......我鞋你呀？我鞋你～我鞋你～我鞋你～......"

重要一路講，一路用隻手嚟擦對腳～

我見到佢咁至知道﹣﹣原來小王子聽錯"I'll sue you" 係 "I'll ’shoe you"呀！5怪之得佢猛話我鞋你～我鞋你～我鞋你la！
激死！！！

今朝我問小王子﹣﹣"地獄判官咁米無人同佢玩law？"

小王子﹣﹣"5係喎！有人同佢玩ga～"

我﹣﹣"吓？邊個呀？"
小王子﹣﹣"隱形富豪（化名）米係佢個friend law！"

我﹣﹣"o我～Those High class people！"

小王子﹣﹣"Yeah～"
我﹣﹣"Woo～so 善moo 佢law！"

5知隱形富豪係咩水嘅Blog友，請移玉步去呢度o急o急～

海龜盒

嘩！今日d相靚左咁多嘅？閃光燈真係咁勁？

非也～非也～只係今朝無nana個天光光地啫，其實我係至僧用閃光燈影相嘅，因為用親嚟影，d相都係勁5自然ga law！今朝無nana有小小光，於是我米nana淋影law。

琴日講到小王子去學校度面試，之前d家長呀～老師呀～又老點，話連父母都要入埋去一齊面試。攪到我同小王子爸爸鬼咁緊張，我連妝都化埋～

嘩！化妝喎～有幾可先？

重要係大熱天時化行個妝，真係分分鐘溶到連阿媽都5認得law！咁重5止喎～我重驚死人地嚴我5夠裝重bor，之前o個晚重尊登摷左套老姑婆長裙著喎～你都知la～好似我呢d美少女，真係條條裙都kawaii ga 呢～點會有阿婆裙至得ga？hahahaha.......所以真係要摷ga！

BUT
呢d都未算係最慘！
要著高跟鞋至係全日嘅最高潮呀～
呢家o野我真係最5左行ga law！

小王子爸爸就重誇！5單止又打Tie又西褲，重用埋袖口鈕。o個日朝早小王子爸爸重同我講﹣﹣

"我今日都5會食o野ga o勒～因為我太～緊張！"
咁我米同佢講﹣﹣

"你5洗食o野啫～但係你老婆同個仔要食喎！"
唉～總之就係大陣像兼成家簡直係去飲嘅一樣la！點知.........

點知5洗父母入去一齊面試喎？

唓！！！！！玩o野咩？？？？

我神早就覺得，有咩可能會比個家長入去至得gar？唉～重等我同小王子爸爸勞C動眾咁﹣﹣攪左一朝！

小兔寶寶盒

唉～我真係投行呀！一朝黑過一朝，聽日我試埋用閃光燈，再5得～我就真係5再post相na！

琴日小王子去左第一間、又係我同小王子爸爸最想小王子入到嘅學校度面試。因為小王子攞左雪梨音樂學院嘅獎學金，所以每個星期六10:00am就開始上堂，以前小王子淨係上Cello老師一課，所以我地都係o係星期六至搾車去Sydney，學完就即刻搾返番嚟，淨係車程～來回要成6個鐘頭ga！但係而家就5得o勒～因為小王子好早就開始上堂，而且重要一路上落去，所以而家要星期5晚就搾車去Sydney，然後瞓一晚，如果5係，5單止我同小王子爸爸會好辛苦，最緊要嘅係﹣﹣

如果咁樣小王子會好攰，咁小王子攰就自然無精神學o野la～咁攪法，到最後成件事米變左哂氣law？

所以而家每個星期5，等小王子放左學、去埋chess club、返屋企沖埋涼、練哂琴兼食埋飯，o係小王子差不多要瞓覺o個陣（即係7:30pm），我地至開車去Sydney。
點解攪到咁夜？
因為我5想哂左小王子d時間o係架車度ar ma，等小王子有多d時間，做下功課又好～玩下又好～總之就係佢瞓覺o個陣至開車，咁佢可以o係車度瞓，5洗哂哂d時間ma。
因為小王子最 最 最少嘅﹣﹣﹣就係時間o勒！

好似o岩o岩過左o個個weekend，就係因為小王子o係星期一度Audition，所以我地由星期5一路o係Sydney住到星期一。如果個個week咁住酒店，你地知5知要幾錢呀？
不過～上帝早有預備

我地以前o係Melb.嘅一個牧師去左Sydney度教神學院，佢比我地一家每個weekend都o係佢間Flat度過夜，呢個真係一個好大嘅commitment 嚟ga！比人個個weekend都o係自己度住喎～而且就算o個個weekend佢5係Sydney，佢比埋條鎖匙我地自己去住喎！
原來～ 天父真係一直照住小王子ga！

講返Audition先下～拉琴o個part，小王子係5會走雞嘅～一定係ok！除左要考拉琴之外，佢地重考埋小王子彈琴、聽同唱音（即Oral）、重有問問題o勒～雖然之前我同小子爸爸都有係咁二教過小王子如果人地問﹣﹣你有咩可以比返學校呀？你點解想嚟呢間學校度讀書呀？同埋你會5會掛住你而家d同學仔ar咁....之類嘅問題要點答。但係去到淋場.......人地無問呢d喎﹣﹣真係吹脹！雖然人地問嘅o野，小王子都答得好兼有禮貌，但係小王子即係小王子，佢d無理頭作風此終都係包5住ga law！好似當人地問小王子.......

考官A﹣﹣"你肯定自己想嚟雪梨度讀書呀？"
小王子﹣﹣"呢d o野我5知ga喎！你都知la～呢d o野係父母嘅決定嚟ga ma！"

考官B﹣﹣"........你o係學校嘅成績係點ga？"
小王子﹣﹣"我好鐘意睇書同英文！我讀寫能力好好、數學又good、重對Science好有興趣.......但係問題係～我學校嘅Science堂從來都5教我有興趣嘅topic啫！"

我睇....阿考官都比小王子吹到脹law！

熊寶寶飛碟包盒

5知你地有無留意，呢排我影d相好核凸？
唉～就嚟冬天na，而家好遲至天光，5夠光～更係影得肉酸la！

以前如果係冬天，我7：30am至開始影相ga。但係而家要車埋小王子爸爸返工，我7：05am 前就要開車走。唉～再係咁......我就5 post相ga na！你地都知la～我 最 最 最 怕d o野5完美ga ma！
重記5記得我話小王子今年會去考Sydney d中學嘅獎學金？

雖然小王子已經考到雪梨音樂學院嘅獎學金，但係淨係for Cello studyga啫！要搬去Sydney～小王子重要考到o係Sydney嘅私立中學獎學金至得ga。

我同小王子爸爸淨係同小王子報左3間中學嘅獎學金啫，人地去考獎學金嘅～至少都報5間ga。點解我地報咁少？因為報考獎學金都要收幾舊水報名費ga！真係5得佢死law！

Sydney嘅私立中學學費好貴ga，如果考5到獎學金.....
老實講﹣﹣
 我同小王子爸爸都幾難供得起小王子去讀。

雖然係話去考音樂獎學金，但係除左要Audition，睇你拉琴拉成點之外，好多學校重要個小朋友考筆試﹣﹣則係做考試卷考成績呀！所以要考到音樂獎學金﹣﹣

除左要音樂好之外～成績一樣要好！

下個星期一，就係小王子去第一間學校度Audition嘅日子o勒～呢間係我同小王子爸爸最想小王子入到嘅學校，點解？因為o係Sydney，論音樂～呢間私立中學係最強。既然係要為音樂搬去Sydney，咁更係想入到間最好ga la～如果5係....好似有d哂氣啫？你地話係米？

而呢間學校考成績o個part呢～就要等到5月至有得考，所以無論星期一小王子o係Audition度表現好一話5好，都要等到5月考埋佢地嘅成績試至可以知道答案。

而下個星期六呢～小王子就要去考另一間學校嘅成績試，呢間中學係考左成績試先，然後
至Audition嘅～
erm.......
好難形容而家我嘅心情.....
好似無咩o野.......
但係又好似.....
又5講得係擔心......
唉～
其實我都5知係咩？
我諗.......
暗啞底係有小小壓力law！

o係Sydney，好多人去考呢類獎學金，好多父母由個小朋友由幼自園就開始比佢地去補習，目標就係為要考7年級嘅獎學金。小王子由細到大都未補過習，雖然成績一嬲都好好，但係會5會比o個d由細補習補到大嘅小朋友打低呢？有朋友同我講
﹣﹣叫我比小王子去o個d尊為考呢d獎學金嘅補習班考模    試，不過小王子爸爸最5 buy呢家o野ga o勒～因為小王子爸爸認為，考試呢d o野係靠平時實力，淋急抱佛腳係無用ga law！
咁對於好似小王子爸爸呢d﹣﹣
由細到大都5洗點刨書，考試前一日讀到晏就一點就話會合格，5洗再讀兼出得去玩嘅人........係5會明白我地呢d要淋急抱佛腳嘅人嘅痛苦ga law！

Blog友們﹣﹣﹣祝福我嘅小王子吧！

哈蜜瓜超人盒

琴日講到隱形富豪o係學校度分哂等級，今日會繼續講隱形富豪有幾富貴。

話說o岩o岩過左o個個星期六，我同小王子爸爸買左個手提電話比小王子。因為由今年開始......
小王子爸爸5再搾車返工又
因咩解究小王子爸爸可以咁嘆呢？
之5係因為小王子爸爸新請左個司機﹣﹣＞即係本人！
有人車出車入，真係何其得戚至得ga！


小王子好多時候放學之後都有o野學嘅～好似星期一同星期二，我就要放低小王子去學o野，然後nana淋搾車返轉頭去車小王子爸爸。試過幾次，小王子學o野個老師竟然無嚟，但係小王子又通知5到我，最後小王子要o係門口度硬等成粒鐘。所以我同小王子爸爸講﹣﹣

不如出部電話比個仔law！

o個日我問小王子學校有無小朋友帶手提電話返學，小王子話﹣﹣ 更係有la！

咁都重5止，小王子話我聽佢學校o個d小朋友個個都攞住部iphone，有好多重係iphone 4 tim！

 嘩！！！

當家下o係HK度，攞住部iphone都分分鐘會比人老笠嘅時候，呢度竟然每個小學生都攞住部。係5係咁誇呀？

我同小王子講.......
我﹣﹣"媽媽今次5會買iphone比你，5係因為媽媽5捨得，而係你從來都無take good care of 你自己d o野，你o岩o岩學用電話，等你慣左攞電話，5會5見，媽媽至買個iphone比你。"

小王子﹣﹣"o我～"

我﹣﹣"o拿～如果你要download game，就一定要問過爸爸媽媽先，5可以自己download ga！"

小王子搶住答﹣﹣"我知ga媽媽！有d小朋友5話比佢地爸爸媽媽聽，係咁download好多game，用左好多錢ar ma～好似隱形富豪（化名）米係咁law！我5會咁ga。"

我﹣﹣"係？隱形富豪download好多game咩？"

小王子﹣﹣"係呀！佢咩game都download，用左成over AU$100 呀！"
我﹣﹣"係呀？咁佢爸爸媽媽米鬧死佢law？"

小王子﹣﹣"佢爸爸媽媽don't care bor~"

我﹣﹣"吓？你點知ga？隱形富豪同你講ga？"

小王子﹣﹣"更～係5係la！佢點會同我講至得ga？係佢同人講，我聽到ga咋！"

我﹣﹣"佢同人講話佢爸爸媽媽don't care，just比錢呀？"

小王子﹣﹣"係呀！"

我同小王子一路講，講到隱形富豪將d人分哂等級，小王子話....

小王子﹣﹣"媽媽！隱形富豪個人本身就係咁up 耷 ga！"
我﹣﹣"up 耷？"
我心諗？咩o野係"個人本身就係up 耷" ga呢？"up 耷"會5會係英文嚟ga呢？一話隱形富豪個人係咁up up 耷耷 呢？
於是我問小王子....

我﹣﹣"咩o野係"隱形富豪個人本身就係up 耷呀？"
小王子嘆左一口氣，用左個無我咁好氣嘅語氣，同我講.....
小王子﹣﹣"唉～"up 耷"米則係囂張law！"

我﹣﹣"wah hahahahahaha......"

我即刻同小王子爸爸講﹣﹣"個仔話隱形富豪個人本身就係up 耷 呀！佢話up 耷則係囂張喎！wah hahahaha...."

小王子爸爸﹣﹣" wah hahahahaha......"
小王子見我同小王子爸爸笑到差d虛脫咁濟，就猛問我.....
小王子﹣﹣"媽媽！咩係"up 耷"呀？"up 耷"點解呀？"
我﹣﹣"hahahaha...."up 耷"則係話d o野好舊，好殘，污污"jojo"咁，米叫"up 耷" law！

小王子﹣﹣"wah hahahahahhahaha......."

之後我同小王子講...
我﹣﹣"o拿～買左部電話比你，你5好帶返學show off喎！"

小王子﹣﹣"我更～係5會帶返學show off la媽媽！如果我帶返學，佢地淨係會不停咁話我做咩5買iphone ar咁，笑我就真la～"
我﹣﹣"吓？oh！咁......你會5會覺得媽媽5買iphone比你，你會5開心呀？"

小王子﹣﹣"更係5會la～as long as it work～"
聽見小王子咁講，我個心真係即時酸一酸，好感動呀！
我﹣﹣"媽媽應成你，下次就買部iphone比你la，好5好？"
小王子﹣﹣"嗯～"

感謝天父錫我一個咁明理嘅寶貝！

拍拖盒

呢排勁無心機打blog！

 點解？
因為我重沉迷o係我o係編織世界裡面，未走到出嚟呀！
天呀～～～～～

我重有好多o野未織好呀～
我重有好多o野想織呀～
冬天就快嚟tim gar～～～
點算呀？？？？
唉～～～～

前晚打邊爐，5知係米食左d過期沙爹醬，攪到我同小王子爸爸痾到死死下。所以琴日我無整"嘩box"！所以話呢～都係米慳埋d小便宜o野law，即刻仲招！

都係入返正題先下～今日又有新人物o係小王子天地登場........
佢就係﹣﹣﹣
  隱形富豪！
無錯！就係佢﹣﹣ 隱形富豪！話說o係小王子三年級嘅時候， 隱形富豪o係5知邊間學校度轉過嚟，重同小王子一班tim！
當年有一日，小王子同我講.......
小王子﹣﹣"媽媽！今日 隱形富豪（化名）o係學校度派錢呀！"
我﹣﹣"吓？5係哇？"
小王子﹣﹣"係呀！媽媽。"

咩原來而家有個做醫生嘅媽媽，d錢就多到可以派呀？
係就派多d la～米派o個一個幾亳，話哂有個醫生阿媽，派得少～失禮呀！
無錯！ 隱形富豪又係一個醫生仔。我本人對醫生係絕無歧視嘅，年中都幚親5少ga！BUT如果你係小王子天地嘅忠實blog友，應該都睇5少有關小王子學校醫生仔嘅事o勒～真係﹣﹣﹣
 醫生多 dumb Kid！
5到你5信law！

今年， 隱形富豪又同小王子一班，小王子同我講 隱形富豪成績弱到極點，但係就識得將所有人分等級。記5記得燒烤叉偷錢o個單o野？

o個次燒烤叉就係偷左隱形富豪嘅銀包o勒～幾咁盞鬼至得gar﹣﹣
一個個老豆係醫生、一個個阿媽係Doctor，
認真係天生一對dumb Kid law！
小王子同我講，隱形富豪將所有人分左三個等級，咁當然 隱形富豪自己o個級就係上上等人la～好似燒烤叉呢d就係 最 最 最 低等嘅，可以不理！小王子話 隱形富豪直頭當燒烤叉透明，係完全5會so佢嘅。

咁我問小王子，咁佢係咩"級"呢？小王子話好似佢呢d呢～就係第二等級﹣﹣則係平時都5會特別采ga o勒～但係都可以say"HI and BYE"嘅！

嘩！咁細個就識分階級o勒～
希望天父保守 隱形富豪個媽媽一定要長命百歲，努力睇症，因為 隱形富豪將來，如果做5成真富豪嘅話，做任何o野都會死law！又或者應該話﹣﹣5死都無用law！

排排坐盒

上回講到小王子個"格甩底"無nana有Kentucky flavour，幾咁鬼異至得gar！
琴日我問小王子今日佢個"格甩底"重有無Kentucky flavour？佢竟然答我話....

小王子﹣﹣"今日無Kentucky flavour na，but有Hungry Jack flavour喎！" （Hungry Jack即係HK嘅 Burger King呀）

我﹣﹣"吓！！！！！"
小王子﹣﹣"係呀～媽媽！5知點解呢～我個"格甩底"always 都有d fast food restaurant嘅smell ga！"

無言-ing～無言-ing～無言-ing～無言-ing～


究竟...............
我會5會.............
真係.............
好5小心咁..........
生左個星球人呢？

又

究竟...............
繼續留小王子o係地球度......
其實會5會......
對地球做成危險呢？
天呀～～
呢單o野真係5關我事ga！非我所願呀！

而家做老師真係好！琴晚瞓覺o個陣，我同小王子爸爸例必同小王子一齊謝謝天父嘅。咁謝親天父呢～小王子就更係例必向天父會報o個日o係學校嘅情況呀～做過d咩咁嘅。
琴晚謝謝下天父，小王子突然間同天父講﹣﹣話佢今日o係學校度洗車喎！！
 吓！！！洗車？？？

o拿！我咁嘅反應係米正路先？話哂阿小王子平時都係十指不沾陽春水ga ma～突然間話今日去洗車喎！攪到我連天父都5記得謝，就問小王子....

我﹣﹣"吓？你今日洗車？"
小王子﹣﹣"係呀！"
我﹣﹣"你同邊個洗車呀？"
小王子﹣﹣"Mrs. J. law！" （Mrs J係小王子今年個班主任）
我﹣﹣"點解你要幚Mrs J.洗車呀？"
小王子﹣﹣"因為Mrs J.架車好～污"jo" law！"
我﹣﹣"erm..........其實我屋企架車都好污"jo"下ga喎！咁你幾時幚我洗呢？"
小王子聽見我咁講，一味就度笑。
小王子爸爸問小王子用咩嚟幚Mrs J.洗車，小王子話"sponge law"！，咁我問小王子點解會有sponge 呢？佢竟然答我.......

小王子﹣﹣
"老師攞埋比我地ga！"
我﹣﹣"..........." 無言-ing～

其實係另一個同Mrs. J.好老死嘅老師，叫小王子一齊幚Mrs. J.洗車嘅。我o係度諗﹣﹣經過琴日洗車呢單o野....5知阿Mrs. J.今日會5會帶埋屋企d衫返學校度洗呢？因為照理﹣﹣

有d咁筍嘅o野，如果係我......係無理由5帶埋屋企d衫返學校度洗law！
hahahaha......

熊蛛蛛三文治盒

5知係米個個男仔都鍾意d核凸o野ga呢？小王子由細到大，無論係喊緊定係嬲緊，一話係瞓5醒，只要一聽見我講d核凸o野﹣﹣例如屎尿屁呀咁，佢就會成個醒哂，兼夾喊緊都會笑出聲！

小王子練親Cello都會周身汗，時時都話好熱要除衫，所以好多時，小王子由著哂衫褲開始練，到最後.....都會比佢除淨條內褲仔ga啫！hahahaha.......
前日小王子又試除淨條內褲仔練琴，小王子突然間同我講....
小王子﹣﹣"媽媽！我smell到我個"格甩底" 有Kentucky flavour呀！"
我﹣﹣"吓！5係哇？"
小王子﹣﹣"真ga媽媽！我個"格甩底"真係有Kentucky smell呀！"
小王子重o係度起勢咁聞住自己個"格甩底"tim 喎！
我﹣﹣"係？咁你"奶"下佢law！"
小王子﹣﹣"5係呀媽媽！係真ga！5信你聞下ar！"

小王子真係舉起隻手行過嚟我o個度.....

小王子﹣﹣“媽媽！你聞下la～"
我一路走一路話﹣﹣"我5聞呀！你5好行過嚟呀！"
小王子﹣﹣"係真ga媽媽！點解你5聞呀？"
我﹣﹣"咁以後5洗去食Kentucky la～你舉起隻手，聞下個"格甩底"米得law！

之後幾日，我都不停咁同小王子講....
你就好la～
好善moo你呀～
你個"格甩底"有Kentucky flavour，我又無～
肚餓聞下就得～
好lucky ar你～
..........

一路講到小王子嗌救命為止！hahahahaha.......

點只兵兵三文治盒

琴日講到澳加燦去到$10店極度失控，今日要同你地講﹣﹣
 澳加燦於商鋪內，慘被認作自由神！


話說澳加燦呢度去、o個度去，血拼大大小小無謂o野（無錯！o係外國，d無謂o野係最貴嘅，因為無謂o野雖然無謂，但係屋企無左佢就大大有所謂，正所謂5斬你斬邊個呀？）


又越講越遠tim！講番返嚟先下～
話說澳加燦血拼左一堆大袋小袋，咁雖然我地兩個阿燦out得很啫～之但係我地其他舊同學係in得很ga ma。o個日我地同幾個舊同學去行街街，5知做咩鬼，我心血來潮話想睇皮褸。於是乎舊同學甲﹣﹣in姐就帶我去到海運大廈，米住！係海運定係海洋呢？唉～總之就係某名店度睇皮褸la，咁一入到去，加洲橙（加燦）就已經力有不棣咁﹣﹣o係鋪頭角落張櫈度成灘尸狀態！淨得我澳洲橙睇皮褸啫～於是我同阿壽司哥（sale-s 哥哥）講.....


我﹣﹣"er......5該，可5可以比o個件皮褸我試下呀？"
壽司哥﹣﹣"o我～得！我馬上就去攞比你下～"（佢真係講馬～上～）
我﹣﹣"吓？咁又5洗馬上～"


試褸-ing～試褸-ing～試褸-ing～


壽司哥﹣﹣"咿？小姐，你係米o係廣洲嚟ga呢？"
我﹣﹣"吓？更係5係la～我係......."我都未講到澳洲o個兩個字，壽司哥就已經懶聰明咁搶住講........
壽司哥﹣﹣"o我～o係深圳、澳門？"
我即刻o係心度講左句﹣﹣
 頂～！明明係你講馬～上～ga喎，點都似你o係大陸嚟多過我la！
but個口呢～就話.....


我﹣﹣"有無攪錯呀？我o係澳～洲返嚟ga！"
壽司哥﹣﹣"..........."


o係呢個時候，我眼尾o急到第件皮褸......
我﹣﹣"er.......5該～可5可以比埋o個件皮褸我試呀？"
壽司哥﹣﹣"我馬上就去攞比你"
我﹣﹣"咁又5洗馬上～but最緊要快！"
壽司哥﹣﹣"呢件皮褸我地最好賣ga！好多客買呢個款ga～"
我﹣﹣"係？" 心諗﹣﹣我都幾有眼光喎！
壽司哥﹣﹣"係呀！最多住黑龍江嘅客買ga o勒～"
我心﹣﹣＞#$^%$&^(*&)(%&#^*%


走o個陣我同d舊同學講.....
我﹣﹣"就係差個LV，如果我攞住個LV，佢地就5會咁估我o勒～"（查實我係連個LV鎖匙包都無嘅～）
in姐﹣﹣"好彩你無攞住個LV，人地至估你咁邊皮咋！如果你攞住個LV？人估你o係黑龍江度嚟tim呀！hahahahaha......"
我心﹣﹣＞%$^&%*&^*$#&^%(*&)